MAY UTANG AKO

May isang nag-grocery na lumabis ang halaga ng nabili kaysa dalang pera (kulang siya ng 1000.00). At may di pangkaraniwang nangyari -- isang lalaki sa likod niya sa pila ay nakita siyang nagdudukot-dukot sa bulsa't bag, naghahanap ng pera. Sinenyasan ng lalaki ang kahera na siya na ang magbabayad ng kulang -- at ayaw magbigay ng ngalan ang lalaki.
Pagkaraan ng ilang araw, nalagay sa dyaryo na may isang taong nag-abuloy ng 1000.00 na tseke sa kawanggawang samahan na may sulat na nagsabi: "Ang tsekeng ito ay para sa lalaking tumulong sa akin nang ako'y magipit. Naisip ko na ibigay sa inyo bilang bahagi ng pasasalamat ko sa kanya."
Ang pangyayaring ito ay naglalarawan ng isang espiritwal na prinsipyo. Dapat may obligasyon tayong ipasa sa iba ang mga kabutihang natatanggap natin. Ganoon ang tugon ni Apostol Pablo sa kahabagan ng Dios. Oo nga't hinding-hindi niya mababayaran ang kaligtasang bigay ng Dios ngunit hindi nakapipigil ito sa kanya upang ipakita ang kanyang pasasalamat. Dahil sa kanyang tinanggap, ginawa niya ang pinaka-mataas na kawanggawa -- ang pagbabahagi ng mabuting balita sa iba.
Huwag nating isiping dahil di natin mababayaran ang ginawa ng Dios para maligtas tayo, wala tayong utang sa Kanya. Utang nga natin ang lahat sa Kanya. Ang pinakasimpleng magagawa natin ay ipakita ang ating pasasalamat sa pagsasabi sa iba tungkol sa Kanya.

Ano ang kaligtasan?

Ang kaligtasan ay pagsaklolo at pagpapalaya ng Dios sa tao mula sa kaparusahan, karumihan at kapangyarihan ng kasalanan. Higit ang walang-hanggang kahalagahan nito kaysa kaligtasan sa kahihiyan, sa lipunan, pagkakasakit, kahirapan at kalumbayan.

Tanungin mo ang sarili mo kong ligtas ka na. Jesus: "Sinumang sumampalataya sa Akin ay may buhay na walang hanggan" (Juan 6:47

INIIBIG BA AKO NG DIYOS?

Di madaling maarok ang kalaliman ng pag-ibig ng Dios para sa atin. Dahil sa kapalaluan at pagkatakot, nabibigo tayong maunawaan kung gaano tayo hindi karapat-dapat ibigin nang walang anumang bayad sa parte natin. May mga panahong nilalabanan ko ang pagmamalaki, sa paniniwalang sa sarili kong pagsisikap nakamit ang pag-ibig na ito. Isang pagmamalaki ang isiping kaya ako iniibig ay dahil ako’y kaibig-ibig, kagalang-galang at nararapat.
Ngunit iniibig tayo ng Dios hindi dahil sa tayo’y karapatdapat ibigin. Iniibig tayo kahit di tayo karapatdapatNgunit iniibig tayo ng Dios hindi dahil sa tayo’y karapatdapat ibigin. Iniibig tayo kahit di tayo karapatdapat.

MGA BAGONG AWIT

Dapat ang isang Cristiano ay magpatuloy ding magkaroon ng bagong awit ng papuri sa mga bagong kahabagan ng Dios (tuwing umaga). Nakakalungkot na marami sa atin ay paulit-ulit lang ang papuring lumalabas sa labi. Oo nga’t dapat nating ulit-uliting pagtibayin ang pundasyong kinasasaligan ng ating pananampalataya. Ngunit gaya ng sinabi ng salmista, ang mga ginawang Dios na pagsaklolo at pagliligtas sa atin sa iba-ibang gipit na sitwasyon ay napakarami – di kayang bilang-bilangin. Ito ay nagbibigay ng mga dahilan sa atin upang Siya’y purihin sa iba-ibang paraan (Awit 40:5).
ANG MAKITA ANG GAWA NG DIOS SA ATING BUHAY AY NAGLALAGAY NG BAGONG AWIT SA ATING MGA LABI.

Isang Dakot

Lupang masasabi't putik ang kagaya "KO". Salamat sa Kanya na umabot at kumuha. Ako nga ay "isang dakot" ng kanyang himala na kanyang patuloy na iniingatan sa Kanyang kamay na may init na taglay. Malimit ang puso ko ay nakatago na para bang laging may sakit na nakapako. Ngunit nang Siya'y nakilala sa buhay ko ay biglang nagkaroon ng pagbabago.
Ang pagpapahalaga ng Diyos ay gayon na lamang na kahit ako ay maliit at aba lamang Siya'y naroon na may pagmamahal.

Tupang-Ligaw

Ang buhay ko'y parang isang masalimuot na daan at minsay hampas ng alon napumapadpad kabikabila. Magulo ang isip na parang walang mapupuntahan. Nasabi ko na lang nga sa sarili ko na para akong tupang-ligaw dahil kahit saan ako tumungo di ko makita ang daan patungo sa lugar na nasa ng puso. Sa buhay na ito na puno ng mga bagay na magulo at kumplikado. Makita ko pa kaya ang daan kung habang pag usad ko ay paglayo sa tunay na daan.
Salamat sa kanya na tunay na biyaya kaya ako'y naligtas sa pagkawala. Hinanap ako at iniwan ang
iba upang ipakita ang pag ibig nya. Salamat sa Bugtong na Anak. Ang Panginoong Jesus na aking pastol.

Ang Aba!!!

Salamat sa Diyos